நீ, எனக்கு....

பாட்டி தந்த பருப்பு சாதத்தின்
கடைசி உருண்டை நீ எனக்கு,
மிட்டாய்களை அள்ள
இரு கைகளும் பற்றாமல் கண்களையும் விரிக்கும்
சிறுகுழந்தையை  போல்
உன்னுடன் பேசும் நிமிடங்கள் மட்டும்
நீண்டு கொண்டே
செல்ல வேண்டுமெனக்கு
என் கன்னங்களோடு உன் கன்னங்களை இழைப்பதோ 
எதிர்பாராமல் வந்து
பாதங்களை முட்டும் முயல் குட்டியோ 
தூக்கத்தில் தெரியாமல் விழும்
குழந்தையின் கையோ
ஏதாவதொன்று
எப்போதும் வேண்டுமெனக்கு